二人東京遊之新宿到埗 day1- 6/12/2012

平時旅遊我都會一邊遊一邊update blog寫遊記, 今次因有Iphone 及ipad mini陪伴, 幫助旅遊亦好方便upload 相上fb, 所以只有即時update fb.
當然我一定會寫返遊記為自己做個美好的回憶, 依個習慣我都唔會改變.

記得這日一早搭機場巴到機場附近, 遇到有交通意外, 幸好只是轉路線便可安全到達.

總覺得旅遊在出發的一刻係最開心的, 香港落了多久的雨天, 剛好在出發的這天放晴了, 不用帶著傘拉喼咁狼狽.

由於飛機提早到達, 即時買返張suica & NEX 優惠套票, 包來回機場之車程, 還有餘2000yen留返平時搭車, 好抵用.





等車中的黃生, 原來已經有4年無同黃生一齊來日本喇...

比預期時間早到, 所以拎埋行李在車站搵埋"小田急旅遊服務中心" 買定明天的旅遊套票先, 因為佢只開到6點咋.

 

攪掂晒, 就行去今個旅程主要住的酒店, 就係以平靚正, 地點方便見稱, 很受旅客歡迎的 HOTEL VINTAGE SHINJUKU.
須要行去火車站要15分鐘, 不過附近係最熱鬧的歌舞妓町, 想食宵夜同買野都極之方便.

出名便宜, 當然房間size相對比較細, 雖然如此, 不過我都覺得可接受的, 最重要係乾淨企理, 反正都係要黎瞓.

622這間房的窗邊位不夠開喼, 還有雪櫃門都會頂住, 之後住過另一間615的可放26"喼, 雖然要v字形打開, 但都好過這間放不下.

之前黃生在網上訂的電話卡送到酒店, check in時拎埋, 這張卡的台係docomo, 不過發覺此卡有時不夠快不太好用, 比起上次在香港代理租的卡實在不夠好.
3980yen 1GB/14days.

放好行李換埋sim卡都只係6點幾, 係時候出去搵食了, 酒店附近有雜貨超市, 有便利店, 非常方便.

今次坐CX個餐認真麻麻, 一到步真係有點餓, 尤其出面都好凍呢, 可能剛到步仍未適應.

見到博多就一於入去食返碗先, 總覺得在日本求其搵間拉麵店都一定好食, 而這間的湯係我其中喜歡的一間!

食飽飽, 溫暖晒, 可以行街街了.
見到黃生用開的咖啡機有咁多特別色, 好sharp好靚.

 

行PEPE商場時, 見到這間擺設, 真係好靚, 不過要12600YEN, 價錢更靚.

 

今個TRIP都發覺多了不少Jackie的產品

每次來都會到這間店買返隻燒虎蝦返酒店做宵夜!

 

重有我最愛的日本CALBEE雞湯味薯片, 雖然出面好凍, 不過依間酒店出名熱, 所以都買定雪糕返酒店嘆.
P.S. 之後住多兩晚, 發覺原來所謂的air conditioner只要唔開就會變得涼快點.

是晚小小收穫, JACKIE 電話塞, 背有吸索吸住電話背做座枱之用.