tokyo 20 june 2008 - day6 台場 (cats livin)

去完築地食野, 下一站就係台場, 上次跟團黎都無好好咁行晒所有地方, 今次就真係玩到好多上次都無睇過的地方, 重係我今次trip內其中一個玩得最開心的地方tim.

 

上次黎時真係多人多到插針都插唔入, 今次黎無咩人真係行得特別爽呀!

 

一到台場先去cats livin睇貓產品同玩貓貓先.

wah! 真係好多貓貓產品呀!

 

見到依間貓屋真係好想買, 可惜無本事拎啦.

衫仔好多好可愛呀! 不過hugo同haven都唔多喜歡著衫, 所以都係無買lu.

睇下d cats model著得幾靚!!

 

睇左一輪貓產品, 係時候入貓館玩貓貓啦, 右下角係1500yen情侶入埸劵, 3點前入埸重有小食可以餵貓貓, 我地剛好3點前到, hehe...

 

館內有多個品種的貓貓, 性格溫順, 重任影唔嬲. (不過唔可以用閃光燈架!)

 

特別喜歡依隻表情 情深款款的, 玩左個幾鐘, 佢都無離開過依個位tim...

 

下圖只係貓館的一角.

 

黃生用小食引誘了一隻小貓.

頭先食完黃生的小食, 又黎我度食過的為食貓.

 

見唔見到我頭先提及情深款款的貓嗎.... 就o係電視機上兩格位.

o係度真係玩得好開心!

今次重買左咁多玩具, 貓帶, 貓袋比hugo同haven.

 

行多陣街就去和幸醫肚, 我地坐窗邊位重有得睇住彩虹橋.

黃生的吉列黑豚豬set, 唔洗講咁多, 正!

我食的吉列海鮮set, 一樣咁正!