昨晚同奶奶3人去黃大仙提早食瑞午節飯, 奶奶揀左食日本野, 去左"和民"同一集團的"和亭"試下, 都算唔錯.
鮭魚石頭鍋飯 - 真係好香好正, 加左魚子, 食時有小粒粒脆口, 口感同味道都好好.
8味刺身 ($149) - uni面頭都鮮甜, 底就用d無咁鮮的料有d胜味, 帶子厚肉夠鮮, 其他都算幾新鮮.
蝦天婦羅 - 雖然個炸皮無人地做得咁好, 但都算唔錯.
網燒雞翼 - 完全唔掂, 無味, 重要燒到甩晒皮.
豬軟骨拉麵 ($44) - 依個幾正, 個湯有豬骨味, 豬軟骨煲得好淋, 軟骨位又爽, 值得推介!
都好似幾好味咁喎 ... 最想食個三文魚石頭飯 ..... 諗起就覺得有 D 餓啦 ... !!
回覆刪除[版主回覆05/29/2009 12:56:00]依個石頭飯同拉麵都係水準之作呀.
個雞翼好似食完吐番出嚟...
回覆刪除[版主回覆05/29/2009 12:56:00]咪就係lor, 幾肉酸呀
呢個集團我淨係會食拉麵架乍.. 仲爭d
回覆刪除[版主回覆05/29/2009 12:57:00]個拉麵同石頭飯係最得架, 其他真係麻麻喇.
d炸野好似炸得好油膩咁呀, 睇見到飽啦 ! 哈哈 ~
回覆刪除[版主回覆05/29/2009 12:58:00]可能我食慣油膩野, 都ok喇, 係個炸皮淨d姐.