咖哩飯, 最好味的魷魚鬚, 換router

last friday去左ssp陪黃生買野, o係福榮街入左間唔記得咩名的舖, 叫左個咖哩牛腩薯仔飯, 揀小辣已經辣到黃生頂唔順, o係咁標汗, 我就覺得ok, 係辣辣地但無咩咖哩味, 牛腩重超un lor, 唔掂, 不過見到唔少人會order咖哩薯仔飯, 原來人地食開o既都唔會叫牛腩, 我諗下次再黎的機會好微.

另外重order左個炸雲吞, 粒蝦幾大粒, 卜卜脆當然啱晒我. ($20)

 

上次經過依間囍囍美食已經想試佢d炸魷魚鬚...

平時有唔少食炸魷魚鬚經驗的我, 今次終於order左包(大$20, 小$10), 我叫左包細試試, wahhhh!! 真係我食過最好味架, 見到圖都知個皮炸得夠晒脆, 個皮又唔會炸到同魷魚鬚分開, 裡面的魷魚鬚重可以keep到彈牙, 重有一拎袋魷魚上手, 竟然係暖暖地架, 各方面都好有水準, 當時一試已經好想買多包lor!! NO. 1呀!!!

 

我買notebook時已經唔妥屋企個殘廢router, 無線上網唔穩定, 成鬼日斷線, 攪到我改左要插線上網, 近排黃生終於都頂佢唔順, 為左佢download快d終於都去換機喇, 依家上網舒服晒.