23/5 返到tsw睇 night at the museum 2, 依套真係一套可以笑下輕鬆下o既戲, 最可惜係依晚坐o係一個一家三口的前面, 個仔不停問阿媽點解點解, 其實我都明白小朋友多疑問, 但係個小朋友連字都未識睇, 帶佢睇依d戲你話幾無謂, 依樣都算, 個阿媽解釋時重要大大聲, 大嬸呀, 你依家係o係戲院唔係o係屋企呀, 可唔可以尊重其他睇戲的人架, 今次我都好忍耐力架喇, 我睇左3分1套戲同佢講左1次, 不過我估佢聽唔到, 又忍到睇左3分2, 再同佢講多次: 唔好意思, 可唔可以靜靜地睇戲. 佢望到我講野喇, 靜左一陣, 人地阿仔又黎問阿媽野, 佢媽都好架喇, 叫佢唔好嘈住人, 不過之後都係故態復萌, 最頂引都係佢老豆, 後半場都係o係度扯鼻鼾, 原來入場前黃生已經聽到個老豆講套戲咁無聊......係咪好難想像我同黃生睇依套戲睇得幾辛苦呢.
anyway, 耐唔耐比人搔擾的情況下, 我依然記得套戲係幾好笑的.
因為係第二集, 我老公話冇咗新鮮感, 所以, 都係等出碟!!!
回覆刪除今個Friday 會去睇Disney 3D 卡通 "UP"...
[版主回覆05/25/2009 09:11:00]"up" 係咪就係伯伯間屋飛上天o個套, 之前睇trailer都幾攪野, 依家d 3D 卡通真係好鬼正, 真係好鬼立體, 我諗依套我都會入戲院睇.
呢套戲我星期六都睇左, 覺得制作得幾好, 而且都幾搞笑, 聽到同場小朋友睇到哈哈大笑, 都好岩小朋友睇既一套戲黎架。
回覆刪除我最憎d人嘈住哂睇戲架啦 ! 教好左自己d仔女先帶出街啦 ~ 真係失禮呀 !
[版主回覆05/25/2009 11:27:00]其實佢個小朋友真係太細, 我諗得5,6歲, 字都唔識多個, 佢又點會睇得明呢, 下下都要解釋佢聽, 真係好搔擾人架, 不如第日買隻碟返屋企慢慢講都無人怪佢lor.
我而家會揀最後個行, 驚住我會同人打交, 哈哈...
回覆刪除[版主回覆05/25/2009 15:14:00]係lu, 我都有諗過坐最尾o個行, 都有留意坐o個度遠唔遠, 我間院唔太大, 我諗都ok o既, 不過始終坐中間會睇得好d麻....
我諗你都好頂唔順d唔守規矩的人, 我試過同人嘈到好甘, 個男女不停支支浸, 我地咪shu佢lor, 佢竟然話返我地轉頭, 大家你一句我一句, 佢重學我shu返我, 真係頂佢個肺, 我咪大聲得返佢講: "大家咁話喇!!" 死都要頂返依d蛋散...haha 之後佢無聲出喇...
出去睇戲真係好怕遇到依d人影響我心情lor!!